АПУ ДЭЙРИ ХХК нь “АПУ” ХК-ийн 100 хувийн хөрөнгө оруулалттай компани бөгөөд анх 2014 онд бүрэн автоматжуулсан сүүний үйлдвэрийн тоног төхөөрөмжийг сүү, сүүн бүтээгдэхүүний салбарт дэлхийд тэргүүлэгч технологи үйлдвэрлэгч Германы GEA компаниас худалдан авч үйл ажиллагаагаа эхлүүлсэн билээ. Мөн Европын холбооны сүү боловсруулах стандартад нийцдэг Шведийн Тетра Пак, Эколин, Элопак дүүргэх шугамаар тоноглож баталгаат сүү сүүн бүтээгдэхүүнийг эцсийн бүтээгдэхүүн болгон хүргэж эхэлсэн. Бид хүн бүрийн хэрэгцээ, амьдралын хэв маягт нийцсэн сүү, сүүн бүтээгдэхүүнийг үйлдвэрлэн, өдөр тутмын эрүүл хэрэглээг дэмжих замаар Монгол хүний эрүүл мэндийг хамгаалан ажиллаж байна.Өдгөө 12 брэндийн нийт 80 гаруй сүү сүүн бүтээгдэхүүнийг хэрэглэгчдэд хүргэн ажиллаж байна.