“Сатурн фүүдс” ХХК нь 2017 оноос хойш үр тариа, будаагаар хийсэн төрөл бүрийн, эрүүл мэндийн өглөөний хоол, жимстэй овьёос, будааны сахаргүй чипс, хүүхдийн каш, хийцтэй цай, цагаан будаа, гурвалжин будааны бантан зэрэг нийт 5 брэндийн 64 төрлийн бүтээгдэхүүнийг Монголдоо үйлдвэрлэн, хэрэглэгчдэд хүргэн ажиллаж байна. Тус компани нь Хүнсний аюулгүй байдлын нэгдсэн менежментийн ISO22000:2018 стандартыг 3 дахь жилдээ амжилттай баталгаажуулж, олон улсын ESG стандарт буюу БОНЗ стандартыг баталгаажуулсан үндэсний үйлдвэрлэгч компани юм.